Ás
Pallozas son unha construción rural típica do NW Ibérico que ten claros
paralelismos con outras construcións rurais europeas nas que o teito se elabora
con materiais vexetais, concretamente cos vastagos do centeo. A inicios do
Século XX aínda numerosas pallozas en distintas aldeas de Os Ancares, Ibias ou
da Cabreira seguían usándose como vivenda. Pero pouco a pouco foron
abandonadas, restrinxíndose o seu uso a cortes ou almacéns. Neste proceso
moitas pallozas perdéronse, pero as que resistiron os cambios dos tempos, e a
falta de axuda e interese, móstranse na actualidade como elementos
representativos dunha paisaxe e dunha sociedade rural na que moitos se
empeñaron en esquecer e destruír.
 |
| Aldea de Balouta, 1920 (Os Ancares, León) |
As
Pallozas de O Piornedo, declaradas, Ben de Interese Cultural, serán obxecto
dunha necesitada restauración unha vez superados todos os atrancos e burocracias.
Neste país en que vivimos sempre póñense grandes e insalvables impedimentos
para os que queren conservar a paisaxe ou os seus elementos característicos,
mentres que pola contra se favorecen e apoian aqueles que promoven a súa
transformación ou destrución.
 |
| Piornedo circa 1960 (Os Ancares, Lugo) |
Ningún comentario:
Publicar un comentario